QR delegatsııasy BUU QK-niń bitimgershilik otyrysyna qatysty
13:49, 31 Naýryz 2018
ASTANA. QazAqparat - Nıý-Iorktegi BUU shtab-páterinde Qazaqstan qorǵanys mınıstriniń orynbasary Talǵat Muhtarov bastaǵan delegatsııa BUU Qaýipsizdik keńesiniń bitimgershilik máselelerine arnalǵan otyrysyna qatysty, dep habarlaıdy «QazAqparat» HAA QR Qorǵanys mınıstrliginiń baspasóz qyzmetine silteme jasap.
Otyrysqa Nıderlandy Premer-Mınıstri Marka Rýtte men BUU Bas hatshysy Antonıý Gýterrısh tóraǵalyq etip, 72 eldiń delegattary qatysty.
Sharada T. Muhtarov BUU Bas hatshysynyń bitimgershilik operatsııalary jónindegi orynbasary Jan-Per Lakrýamen kezdesti. Kezdesýde taraptar Qazaqstan Respýblıkasynyń BUU-men áskerı saladaǵy yntymaqtastyǵy máseleleri talqylandy. BUU Bas hatshysynyń orynbasary Qazaqstannyń bitimgershilik áleýetiniń artyp kele jatqanyn tilge tıek etip, salada úlken tájirıbe jınaqtaǵan ózge eldermen yntymaqtastyq jasaý tetikterin atap kórsetti.