QR-da joǵary bilim alýǵa aqy tóleý úshin bilim berý grantyn berý erejesine ózgeris engizildi
***
Qazaqstan Respýblıkasy Úkimetiniń qaýlysy
2013 jylǵy 9 shilde, Astana, Úkimet Úıi №698
«Joǵary bilim alýǵa aqy tóleý úshin bilim berý grantyn berý erejesin bekitý týraly» Qazaqstan Respýblıkasy Úkimetiniń 2008 jylǵy 23 qańtardaǵy № 58 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Joǵary bilim alýǵa aqy tóleý úshin bilim berý grantyn berý erejesin bekitý týraly» Qazaqstan Respýblıkasy Úkimetiniń 2008 jylǵy 23 qańtardaǵy qaýlysyna (Qazaqstan Respýblıkasynyń PÚAJ-y, 2008 j., № 2, 24-qujat) mynadaı ózgeris engizilsin:
kórsetilgen qaýlymen bekitilgen Joǵary bilim alýǵa aqy tóleý úshin bilim berý grantyn berý erejesinde:
5-5-tarmaq mynadaı redaktsııada jazylsyn:
«5-5. Konkýrsqa qatysý úshin keminde 50 ball, «Jalpy medıtsına» mamandyǵy boıynsha keminde 55 ball, ulttyq joǵary oqý oryndaryna túsýshiler úshin keminde 70 ball, al «Bilim», «Aýyl sharýashylyǵy ǵylymdary» jáne «Veterınarııa» mamandyqtarynyń toptary boıynsha keminde 60 ball, onyń ishinde beıindi pán boıynsha keminde 7 ball (árbir shyǵarmashylyq emtıhan boıynsha keminde 10 ball), al qalǵan pánder boıynsha keminde 4 ball jınaý qajet.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.