QR-da agroónerkásipke salynǵan ınvestıtsııa 56%-ǵa artty - Úkimet saǵaty
Bul týraly búgin QR Parlamenti Májilisinde ótken Úkimet saǵatynda QR Ulttyq ekonomıka mınıstri Qýandyq Bıshimbaev málim etti.
"Aýyl sharýashylyǵynda óndiris kólemi 4,9%-ǵa ulǵaıdy, onyń ishinde ósimdik sharýashylyǵynda -12%-ǵa jáne mal sharýashylyǵynda - 2,3%-ǵa. Aýyl sharaýashylyǵyndaǵy ornyqty nátıjeler ınvestıtsııalyq sýbsıdııalar boıynsha memlekettik qoldaýdy 2 eseden artyq ulǵaıtý esebinen, agroónerkásipke salynǵan ınvestıtsııalardyń aıtarlyqtaı - 56%-ǵa ósýine baılanysty boldy deýge bolady. 2016 jyly ınvestıtsııalar 2015 jylǵy 6,1 mlrd. teńgeden 12,7 mlrd. teńgege deıin ósip otyr", - dedi mınıstr.
Onyń aıtýynsha, Mańǵystaý oblysyn (16,7%-ǵa tómendeý) qospaǵanda, barlyq óńirlerde aýyl sharýashylyǵy ónimderin óndirýdiń óskeni baıqalýda.
Vedomstvonyń aqparatynsha, negizgi kapıtalǵa ınvestıtsııalardyń jalpy kólemi 4,3 trln. teńgeni, onyń ishinde úshten bir bóliginen astamy (36,9%) - 1,5 trln. teńgeni memlekettik ınvestıtsııalar men ulttyq holdıngter qarajaty qurady. Tikeleı shetel ınvestıtsııalarynyń aǵyny birinshi jartyjyldyqta bes ese - 5,7 mlrd. AQSh doll. deıin ulǵaıdy.