QR Tsıfrlyq damý, qorǵanys jáne aeroǵarysh ónerkásibi mınıstrliginiń ataýy ózgerdi
***
Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly
Qazaqstan Respýblıkasy Konstıtýtsııasynyń 44-babynyń
3) tarmaqshasyna sáıkes memlekettik basqarý júıesin jańǵyrtý jáne tıimdiligin arttyrý maqsatynda QAÝLY ETEMІN:
1. Mynalar:
1) Qazaqstan Respýblıkasynyń Indýstrııa jáne ınfraqurylymdyq damý mınıstrligi, oǵan Qazaqstan Respýblıkasy Tsıfrlyq damý, qorǵanys jáne aeroǵarysh ónerkásibi mınıstrliginiń qorǵanys ónerkásibi, biryńǵaı áskerı-tehnıkalyq saıasatty júrgizýge qatysý, áskerı-tehnıkalyq yntymaqtastyqty júzege asyrý, memlekettik qorǵanys tapsyrysyn qalyptastyrý, ornalastyrý jáne oryndaý salasyndaǵy fýnktsııalary men ókilettikteri berile otyryp;
2) Qazaqstan Respýblıkasynyń Ulttyq ekonomıka mınıstrligi, oǵan Qazaqstan Respýblıkasy Tsıfrlyq damý, qorǵanys jáne aeroǵarysh ónerkásibi mınıstrliginiń jumyldyrý daıyndyǵy jáne jumyldyrý, memlekettik materıaldyq rezervti qalyptastyrý jáne damytý salasyndaǵy fýnktsııalary men ókilettikteri berile otyryp;
3) Qazaqstan Respýblıkasynyń Tsıfrlyq damý, qorǵanys jáne aeroǵarysh ónerkásibi mınıstrligi, oǵan:
Qazaqstan Respýblıkasy Aýyl sharýashylyǵy mınıstrliginiń geodezııa jáne kartografııa salasyndaǵy;
Qazaqstan Respýblıkasy Indýstrııa jáne ınfraqurylymdyq damý mınıstrliginiń eldiń ınnovatsııalyq saıasaty, ǵylymı-tehnıkalyq damýy salasyndaǵy fýnktsııalary men ókilettikteri berile otyryp, ony Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi etip qaıta qurý jolymen qaıta uıymdastyrylsyn.
2. Qazaqstan Respýblıkasynyń Úkimeti:
1) Qazaqstan Respýblıkasy Prezıdentiniń Ákimshiligimen kelisim boıynsha memlekettik organdardyń jáne olarǵa vedomstvolyq baǵynysty uıymdardyń shtat sanyn qaıta bólýdi;
2) osy Jarlyqty iske asyrý boıynsha ózge de sharalar qabyldaýdy qamtamasyz etsin.
3. Indýstrııa jáne ınfraqurylymdyq damý, Ulttyq ekonomıka, Tsıfrlyq damý, ınnovatsııalar jáne aeroǵarysh ónerkásibi mınıstrlikteri Qazaqstan Respýblıkasy Aýyl sharýashylyǵy, Tsıfrlyq damý, qorǵanys jáne aeroǵarysh ónerkásibi mınıstrlikteriniń beriletin fýnktsııalary men ókilettikteri sheginde quqyqtary men mindettemeleriniń quqyq mırasqory bolyp aıqyndalsyn.
4. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı ózgeris engizilsin:
1-tarmaqtaǵy «Qazaqstan Respýblıkasynyń Tsıfrlyq damý, qorǵanys jáne aeroǵarysh ónerkásibi mınıstrligi» degen jol mynadaı redaktsııada jazylsyn:
«Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi».
5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
6. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev