QR Bilim jáne ǵylym mınıstri óndiriske engizilgeli jatqan ınnovatsııalyq jobalarmen tanysty
Bul joba Memleket basshysynyń ınnovatsııalyq zertteýlerdi damytýdaǵy jańa saıasatyna qatysty tapsyrmasy sheńberinde erekshe mańyzǵa ıe. Bilim jáne ǵylym mınıstrligimen otandyq ǵalymdarymen ázirlengen tehnologııalardy kommertsııalandyrý júıesi qalyptastyrylýda.
«Tehnologııalardy kommertsııalandyrý» jobasyn júzege asyrý sheńberinde granttyq baǵdarlamalardyń eki kezeńi aıaqtaldy. BǴM janyndaǵy Ǵylymı jáne kommertsııalandyrý jónindegi keńespen sońǵy eki jylda 600-ge jýyq ǵylymı jobalar qarastyrylyp, olardyń arasynan nátıjelerin óndiristerge engizýge múmkinshiligi mol degen 21 joba iriktelip alyndy.
Úzdik jobalarǵa ǵylymı zertteýleri men tájirıbelik-konstrýktorlyq jumystaryn aıaqtaý úshin granttar usynyldy. Sonymen qatar iriktelip alynǵan jobalardyń iske qosylýyna turaqty monıtorıng júrgiziledi, ádistemelik jáne praktıkalyq kómek júzege asyrylady.
Jobalardyń arasynda nanotehnologııalardy qoldana otyryp membranalyq súzgilerdi ázirleý, dárilik preparattardy mólsherleý úshin testtik qurylǵylar ázirleý, qurylys materıaldarynyń óndirisi úshin platıfıkatorlar daıyndaý jáne taǵy basqa jumystar júzege asyrylýǵa ázir.
QR Bilim jáne ǵylym mınıstrligimen Astana qalasynda Tehnologııalardy kommertsııalandyrý ortalyǵy (TKO) quryldy. Bul ortalyq jobalardyń nátıjelerin odan ári óndiriske engizýdegi barlyq fýnktsııalardy júzege asyrady. TKO quzyrettiligine patenttik qoldaý, venchýrlyq qorlarmen baılanystar ornatý jáne tehnologııalardy óndiriske engizýge baǵyttalǵan basqa da sharalar jatady.
BǴM basshysy jobalardy iske asyrýdyń qarqyndylyǵyna, ázirlemelerden sońǵy nátıjeler alýǵa jáne ony óndiriske engizýge baǵyttalǵan sharalar qabyldaýdy tapsyrdy.