QR BǴM «Bolashaq» baǵdarlamasyna qatysýshylar úshin sharttardy ózgertti

ASTANA. 12 mamyr. QazAqparat - «Bolashaq» baǵdarlamasyna 20 jyl toldy. Jyl saıyn memleket jastardyń alǵan ozyq bilimderin el ıgiligine paıdalaný maqsatymen myńdaǵan stýdentti shet elderge oqýǵa attandyrýda,

dep jazady Otyrar.kz ınternet-gazetiniń tilshisi.

Shetelde bilim alý múmkindigin búginde toǵyz myńnan astam qazaqstandyq paıdalanyp úlgerdi. Biraq aralarynda Qazaqstanǵa oralýdan bas tartqandar da tabylýda.

Múmkin dál solar úshin QR Bilim jáne ǵylym mınıstrligi tanymal baǵdarlama boıynsha oqýǵa túsý sharttaryn ózgertken bolý kerek. Endigide, memlekettiń qarjysyna shet elge oqýǵa óz elinde eńbek etip úlgergender ǵana baratyn bolady. Bul týraly QR BǴM «Halyqaralyq baǵdarlamalar ortalyǵy» AQ-nyń vıtse-prezıdenti Ǵalııa Dosmuhamedova málim etti.

«Bolashaq» stıpendıaty óziniń jumys berýshimen jáne Halyqaralyq baǵdarlamalar ortalyǵymen úshjaqty kelisim jasaýy tıis. Kelisimniń sharttary boıynsha jumys berýshi stıpendıat eline oralǵanǵa deıin onyń jumys ornyn saqtap qalady. Osylaısha, «Bolashaq» túlegi elge oralǵannan keıin jumysyn qaıta jalǵastyra alady.