QR BǴM alǵash ret matematıkalyq olımpıadany onlaında kórsetedi

AQTÓBE. QazAqparat - QR Bilim jáne ǵylym mınıstrligi Aqtóbe qalasynda 15-20 naýryz aralyǵynda jaratylystaný-matematıka baǵytyndaǵy pánder boıynsha respýblıkalyq olımpıada ótkizedi, dep habarlaıdy QazAqparat mınıstrliktiń baspasóz qyzmetine silteme jasap.

«Bilim saıysynyń ashyq ári ádil ótýin qamtamasyz etý maqsatynda alǵash ret olımpıada onlaın-rejımde kórsetiledi (edu.mail.kz ). ıAǵnı, kez kelgen adam olımpıadany vırtýal túrde qadaǵalap, qazylar alqasynyń jaýaptardy tekserý kezindegi jumysyn nazarda ustaı alady. Olımpıada Aqtóbe qalasyndaǵy «Nazarbaev Zııatkerlik mektebinde» uıymdastyrylady», delingen habarlamada.

Bilim saıysynyń maqsaty - oqýshylardyń shyǵarmashylyq qabiletin damytý, teorııalyq bilim men praktıkalyq daǵdylaryn tereńdetý. Jaratylystaný-matematıka baǵytyndaǵy pánder boıynsha olımpıadaǵa 832 oqýshy qatysady. Onyń ishinde qurama komandadaǵy 83 bala - halyqaralyq olımpıadalardyń birneshe dúrkin jeńimpazy men júldegeri.

Qazaqstannyń barlyq óńirlerinen, Astana, Almaty jáne Shymkent qalalarynan, respýblıkalyq bilim berý uıymdarynan, «Nazarbaev Zııatkerlik mektepteri» derbes bilim berý uıymynan 19 komanda qatysady. Olımpıada jeńimpazdary men júldegerleri I, II, III dárejeli dıplommen marapattalady.

Eske sala ketsek, osy portalda mektep oqýshylarynyń ǵylymı jobalardy qorǵaý baıqaýy tikeleı efırde kórsetilgen bolatyn.