QR BǴM: 2018 jylǵa qaraı úsh aýysymdaǵy jáne apatty mektepter joıylady

ASTANA. QazAqparat - Úsh jylda Qazaqstanda úsh aýysymdaǵy jáne apatty mektepter máselesi túbegeıli sheshiledi. Bul týraly búgin Ortalyq kommýnıkatsııalar qyzmetindegi brıfıngte QR Bilim jáne ǵylym vıtse-mınıstri Esenǵazy Imanǵalıev málim etti.

«2014/2015 oqý jylynda respýblıkanyń 99 mektebinde sabaqtar úsh aýysymda júrgiziledi. 136 mektep apatty bolyp tabylady. Mınıstrlik jergilikti atqarýshy organdarmen birlese otyryp Ulttyq qor qarjysy esebinen apatty jáne úsh aýysymdy mektepterdiń ornyna qurylys salý qajettiligi bar oqý oryndarynyń sanyn anyqtady. Elbasynyń Qazaqstan halqyna joldaǵan «Nurly jol - bolashaqqa bastar jol» atty Joldaýynyń aıasynda júrgizilgen jumystyń nátıjesinde Ulttyq qor esebinen 2015-2017 jyldarǵa jalpy somasy 61,9 mlrd. teńge bólingen», - dedi mınıstrdiń orynbasary.

Onyń sózine qaraǵanda, 2015 jylǵa - 14,3 mlrd. teńge, 2016 jylǵa - 23,9 mlrd. teńge, 2017 jylǵa - 24,5 mlrd. teńge qarastyrylǵan. Qurylys josparlanǵan mektepterdiń tizimi qalyptastyryldy. Ulttyq qordan respýblıkanyń 12 óńirinde 73 mektep salynady. Munymen qosa, respýblıkalyq jáne jergilikti bıýdjet esebinen birqatar mekteptiń qurylysy júzege asyrylady.

«Jalpy osy baǵyttaǵy sharalar 2018 jylǵa qaraı úsh aýysymdaǵy jáne apatty mektepterdi joıýǵa, mektepke deıingi uıymdardyń ornyn toltyrýǵa, sondaı-aq bul máselelerdi túbegeli sheshýge múmkindik beredi», - dedi E. Imanǵalıev.