QR Bas prokýrory júrgizýshilerdi daıarlaıtyn oqý oryndaryn synǵa aldy
«Jyl saıyn joldaǵy apattardyń saldarynan elimizde úsh myńǵa jýyq adam kóz jumady, 25 myńǵa tarta adam jaraqat alady nemese múgedek bolyp qalady. 10 jylda jol apattarynan 34 myńǵa jýyq adam qaza boldy»,- dedi ol Bas prokýratýranyń alqa májilisinde.
Osy oraıda A. Daýylbaev qoǵamdyq kóliktiń qatysýymen oryn alatyn jol-kólik oqıǵalary qaýipti bolyp tabylatyndyǵyn atap ótti.
«Osy salada Bas prokýratýra júrgizgen tekseris kúrdeli problemalar men zań buzýshylyqtardy anyqtady. Tekserispen qamtylǵan oqý oryndarynyń túgeline jýyǵynda júrgizýshilerdi sapasyz oqytý faktileri belgili boldy. Olardyń kóbisi belgilengen talaptarǵa saı bolmaı shyqty»,-dedi Bas prokýror.
Onyń sózine qaraǵanda, oqý oryndarynyń úshten bir bóligi, ıaǵnı 552 oqý ornynyń 189-y oqytatyn jetekshilerdiń, oqytýshylardyń jáne masterlerdiń biliktiligine eń tómengi talaptardy qamtamasyz etpegen. Árbir jetinshisinde (75 oqý orny) qajetti qural-jabdyqtar bolmady.