QR Bas prokýratýrasynda kásipkerlerdi tekserýdiń jańa tártibi týraly túsinik berdi

ASTANA. QazAqparat - «Atameken» Ulttyq kásipkerler palatasynyń Kásipkerlerdi qorǵaý jónindegi keńesiniń otyrysynda QR Bas prokýratýrasy Quqyqtyq statıstıka jáne arnaıy esepke alý komıtetiniń tóraıymy Sáýle Aıtpaeva kásipkerlerdi tekserýdiń jańa tártibi týraly aıtyp berdi.

«Tekserýler júrgizýdiń jańa tártibi engizilýde jáne ol sanıtarlyq-epıdemıologııalyq qadaǵalaý, ónerkásiptik qaýipsizdik, ıadrolyq zattar, qarý-jaraq aınalymy men basqa da salalarǵa qatysty. Bul tıisti kestege sáıkes júrgiziletin tekserýlerdiń erekshe tártibi. Sonymen birge tekserýler jasaýdyń táýekelderin baǵalaýdyń ólshemderi ázirlenip, engizilýde. Táýekelderdi baǵalaýdyń ólshemi ball boıynsha esepteledi jáne 0-den 60-qa deıin ball jınaǵandar táýekeldiń erekshe salasyna engizilmeıdi, al 60-tan 100-ge deıingi ball kórsetkishinde baıqalǵandar táýekelder dárejesiniń joǵary baǵalaýyna kiredi», - dedi komıtet tóraıymy.

Osy oraıda ol bul turǵyda kásipkerler arasynda áleýetti zań buzýshylardy anyqtaýda naqty baǵytqa qol jetkiziletindigin atap ótti.

«Munymen qosa, búginde tekserý paraqshalary engizilýde. Onyń negizinde árbir kásipker «Tekserýler kartasynda» ózderindegi tekseristerdiń nátıjesin kórip otyrady. Osy oraıda kásipker óziniń tıisti baǵalaýyn jasap, aldaǵy ýaqytta tekserýdiń qaı túri keletindigin aldyn ala paıymdaı alady. ıAǵnı, tekserýler júrgizýdiń naqty sebepteri qalyptasty. Ózderińiz bilesizder, bizde josparly tekserýler toqtatyldy, onyń ornyna tekserýler júrgizýdiń osy erekshe tártibi engiziledi», - dedi S. Aıtpaeva.

Aıta keteıik, «Tekserýler kartasy» kásipkerlerge qatysty tekserýlerdiń nátıjesin kórsetedi. Onda zań buzýshylyqtar jarııalanyp, tutynýshylar bul uıymdardyń jumysy jaıynda egjeı-tegjeıli aqparat alý múmkindigine ıe bolady.