QR Bas prokýratýrasy «Gúlnár-týr» týrıstik operatoryn tekserýge ruqsat berdi

ASTANA. QazAqparat - QR Bas prokýratýrasy «Gúlnár-týr» týrıstik operatoryn tekserýge ruqsat berdi. Bul týraly búgin Qazaqstannyń Ulttyq kásipkerler palatasyndaǵy baspasóz máslıhaty barysyndaǵy málimetterde habarlandy.

«Qazirgi kezde QR Bas prokýratýrasy «Gúlnár-týr» týrıstik operatoryn tekserýge ruqsat berdi. QR IJTM Týrızm ındýstrııasy komıtetiniń aqparaty boıynsha atalǵan tekserý 10 kúnnen aspaıdy. Tekserýden keıin barlyq materıaldar sotqa jiberiledi», - delingen palata málimetinde.

Belgili bolǵandaı, kompanııanyń basshylary qazirgi kezde baılanysqa shyqpaı otyrǵan kórinedi.

Sonymen qatar áýe tasymaldaýdan bólek, tamyz-qyrkúıek aılaryna týrıstik paketter boıynsha Túrkııadaǵy qonaqúılerde týroperator tarapynan tólenbeý máselesi ashyq kúıinde qalyp otyr. Alaıda, týrıstik agenttikter barlyq tólemderdi «Gúlnár-týrǵa» tolyq kólemde júzege asyrǵan.

«Gúlnár-týr» fırmasynyń týrısterge keltirgen shyǵyny 30 mln. teńgeden asty.