QR Bas prokýratýrasy 1 myńnan astam paıdalanylmaı jatqan jerdi memleket menshigine qaıtardy
«Paıdalanylmaı jatqan jerlerdi memleket menshigine qaıtarý týraly Memleket basshysynyń tapsyrmasyn oryndaý jónindegi jumystar turaqty baqylaýda tur. Qabyldanǵan sharalardyń negizinde kólemi 779 myń, kadastrlyq quny 27 mlrd.-tan astam teńgeni quraıtyn 1 148 jer telimi qaıtaryldy. Jalpy kólemi 1 mln. gektardan astam (1,2 mln.) topyraǵy azyp ketken 470 jer telimi anyqtaldy. Osyǵan oraı ýákiletti organdarǵa topyraqtayń qunarlylyǵyn qalpyna keltirýdi talap ete otyryp zańdylyqtyń buzylýyn joıý týraly 100-den astam usynys engizildi», - delingen vedomstvo aqparatynda.
Sonymen qatar, QR Bas prokýratýrasy taratqan aqparatta tabıǵatty qorǵaý týraly zańnamalardyń saqtalýyna qadaǵalaý júrgizýge erekshe nazar aýdarylǵandyǵy aıtylǵan. Tek Batys Qazaqstan oblysynyń prokýratýrasy ǵana anyqtalǵan ekologııalyq zańnamalardy buzýshylyqtar boıynsha «Qarashyǵanaq Petroleým Opereıtıng» kompanııasynyń qazaqstandyq fılıalynan 9,5 mlrd. teńge óndirgen.