QR azamattarynyń shyǵý týrızmi salasyndaǵy quqyqtaryna kepildik beretin zańdy tulǵa aıqyndaldy

ASTANA. QazAqparat - Sońǵy jyldary týrızm salasy keńinen qanat jaıyp keledi. Onyń ishinde basqa elderge shyqqan Qazaqstan azamattarynyń quqyqtarynyń qorǵalýy da basty nazarǵa alynýy tıis máseleniń biri bolyp qalyp otyr. Osyǵan baılanysty, QR Premer-Mınıstri Baqytjan Saǵyntaev Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnktsııasyn júzege asyratyn zańdy tulǵany aıqyndaıtyn Qazaqstan Respýblıkasy Úkimetiniń №608 qaýlysy jarııa etti.

Qazaqstan Respýblıkasy Úkimetiniń qaýlysy  №608 

  

2016 jylǵy 21 qazan,  Astana, Úkimet Úıi

 

Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnktsııasyn júzege asyratyn zańdy tulǵany aıqyndaý týraly

 

«Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasynyń Zańy 10-baby 10-1) tarmaqshasyna sáıkes Qazaqstan Respýblıkasynyń Úkimeti qaýly etedi:

1. «Týrıstik Qamqor» korporatıvtik qory Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesi ákimshisiniń fýnktsııasyn júzege asyratyn zańdy tulǵa bolyp aıqyndalsyn.

2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri B.SAǴYNTAEV