QR Aýyl sharýashylyǵy mınıstrligi sýbsıdııa alý rásimin jeńildetýdi kózdep otyr
Jıyn barysynda aýyl sharýashylyǵy salasyn sýbsıdııalaý júıesiniń jańa tásilderi tanystyryldy, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.
Otyrysty ashqan mınıstr memlekettik qoldaý sharalarynyń arqasynda otandyq AÓK turaqty damýyna qol jetkizilgenin atap ótti.
Sonymen birge, memlekettik qoldaýdyń qoldanystaǵy tetikterinde sybaılas jemqorlyq quqyq buzýshylyqtardyń paıda bolýyna, aýyl sharýashylyǵyn qoldaýǵa arnalǵan bıýdjet qarajatynyń tıimsiz paıdalanylýyna ákep soqqan eleýli kemshilikter áli de bar. Bul baqylaýshy organdardyń tekserýlerimen ǵana emes, ekonomıkalyq qylmystarǵa qarsy kúres jáne sybaılas jemqorlyqqa qarsy is-qımyl agenttigi júrgizgen keshendi taldaýmen de dáleldenedi.
Osy tekserýlerdiń qorytyndysy boıynsha olar aýyl sharýashylyǵy mınıstrligine anyqtalǵan kemshilikterdi joıýdy jáne aýyl sharýashylyǵyn sýbsıdııalaýdyń qoldanystaǵy júıesin jetildirý boıynsha naqty sharalar qabyldaýdy usyndy. Memleket basshysy bıylǵy 1 qyrkúıektegi Qazaqstan halqyna Joldaýynda aýyl sharýashylyǵyn sýbsıdııalaý júıesin jetildirý qajettigine nazar aýdardy.
Bul problemalardy sheshý úshin mınıstrlik AÓK memlekettik qoldaýdyń tıimdiligin arttyrý jónindegi jumys tobyn qurdy, oǵan salalyq qaýymdastyqtar men odaqtardyń, agrobıznestiń, ǵylymnyń, múddeli memlekettik jáne jergilikti atqarýshy organdardyń ókilderi, sondaı-aq Qazaqstan Respýblıkasy Parlamentiniń Senaty men Májilisiniń depýtattary kirdi.
«Búgin jumys tobynyń alǵashqy otyrysy ótti. Aldymyzda úlken jumys tur. Jumys tobynyń qyzmeti sheńberinde sýbsıdııalaý tetikterin jeńildetý men ońtaılandyrýdy, AÓK barlyq sýbektileri úshin sýbsıdııalardyń ashyqtyǵy men teń qoljetimdiligin qamtamasyz etýdi kózdeıtin sýbsıdııalardy bólý júıesin qaıta qaraý boıynsha sharalar ázirlenetin bolady» - dedi Erbol Qarashókeev.
Jumys toby ázirleıtin barlyq tásilder jurtshylyqtyń, qaýymdastyqtar, odaqtar jáne agrobıznes ókilderiniń qatysýymen keńinen talqylanatyn bolady.
Búgingi kúni AÓK sýbektilerine memlekettik qoldaýdyń turaqtylyǵy men sabaqtastyǵy qaǵıdattaryn zańnamalyq bekitý máselesi pysyqtalyp jatyr.
Ádil bólýdi eskere otyryp, bir aqparattyq júıe bazasynda barlyq sýbsıdııalardy berýdi qamtamasyz etýge qabiletti sýbsıdııalaýdyń memlekettik aqparattyq júıesin engizý jospary bar.
«Búgingi tańda mınıstrlik sýbsıdııalaý júıesin jetildirýge baǵyttalǵan jańa tásilderdi ázirledi jáne biz olardy alǵashqy jumys nusqasymen tanystyrýǵa daıynbyz», - dep habarlady vedomstvo basshysy.
«AÓK sýbsıdııalaýdyń jańa tásilderi týraly» baıandamasymen Aýyl sharýashylyǵy mınıstriniń keńesshisi Tóleýhan Nurqııanov jumys tobynyń múshelerin AÓK sýbsıdııalaýdyń qoldanystaǵy tetiginiń kemshilikterimen qysqasha tanystyrdy. Atap aıtqanda, ol sýbsıdııalaý baǵytynyń kúrdeliligi men kóptigine, baqylaý qıyn bolatyn aralyq tehnologııalyq protsesterdi qoldaýǵa baǵdarlanǵanyna jáne sýbsıdııalaý nátıjeliligin baǵalaýǵa múmkindik beretin normanyń joqtyǵyna nazar aýdardy. Sonymen qatar, sýbsıdııa alýshylardyń naqty nátıjelerge qol jetkizgeni úshin jaýapkershiligi joq. Qoldanystaǵy sýbsıdııalaý tetigin jetildirý úshin mınıstrlik sýbsıdııalaý baǵyttaryn barynsha qysqartýdy, sýbsıdııa alýshylarǵa mindettemeler normasyn engizýdi, tsıfrlandyrý esebinen sýbsıdııalar alý rásimin jeńildetýdi, janýarlardy esepke alýdyń qoldanystaǵy júıesiniń fýnktsıonalyn túbegeıli qaıta qaraýdy, sondaı-aq sýbsıdııalardy túpkilikti eńbek nátıjesin alýǵa baǵdarlaýdy usynady.
Talqylaý barysynda ákimderdiń orynbasarlary, aýyl sharýashylyǵy taýarlaryn óndirýshiler, sondaı-aq odaqtar men qaýymdastyqtardyń ókilderi óz usynystary men eskertýlerin ortaǵa saldy.
Jıyn sońynda vedomstvo basshysy jumys tobynyń barlyq múshelerine belsendi jumysy úshin alǵysyn bildirip, bir apta merzimde aıtylǵan usynystar men eskertýlerdi eskere otyryp, sýbsıdııalaý júıesin pysyqtaýdy jáne jobany jumys tobynyń kelesi otyrysyna shyǵarýdy tapsyrdy.