QR Aýyl sharýashylyǵy mınıstriniń birinshi orynbasary taǵaıyndaldy
20:27, 22 Shilde 2016
ASTANA. QazAqparat - Aıtýǵanov Qaırat Qaparuly Qazaqstan Respýblıkasynyń Aýyl sharýashylyǵy birinshi vıtse-mınıstri bolyp taǵaıyndaldy, dep habarlaıdy QR AShM baspasóz qyzmeti.
Budan buryn Qaırat Aıtýǵanov QR Kásipodaqtar federatsııasy tóraǵasynyń orynbasary qyzmetinde bolǵan.
Aıtýǵanov Qaırat Qaparuly 1962 jyly 12 sáýirde Soltústik Qazaqstan oblysynda dúnıege kelgen.
1984 jyly Tselınograd aýyl sharýashylyq ınstıtýtynyń Kókshetaý fılıalyn jáne 2000 j. Almaty energetıka jáne baılanys ınstıtýtyn bitirgen.
Ár jyldarda Qaırat Qaparuly Aıtýǵanov Qaraǵandy oblysy ákimshiliginde, «QazAgro» UBH» AQ, QR Aýyl sharýashylyǵy mınıstrliginde jáne t.b. ár túrli qyzmetterdi atqarǵan.