QR Aýyl sharýashylyǵy mınıstri UOS ardagerlerimen birge 28 panfılovshylar atyndaǵy saıabaqqa gúl shoqtaryn qoıyp, qaza tapqandar rýhyna taǵzym etti

ASTANA. Sáýirdiń 30-y. QazAqparat - Búgin, sáýirdiń 30-y kúni QR Aýyl sharýashylyǵy mınıstri Aqylbek Kúrishbaev, UOS ardagerlerimen jáne tyl eńbekkerlerimen birge Almatydaǵy 28 panfılovshylar atyndaǵy saıabaqqa gúl shoqtaryn qoıyp, soǵysta qaza tapqan qazaqstandyqtardyń rýhyna taǵzym etti.

Ótkendi eske alý úshin máńgi alaýdyń janyna 43 tyl eńbekkeri men soǵys ardageri jınaldy. Aıta keteıik, sharaǵa qatysýshylardyń barlyǵy buryn aýyl sharýashylyǵy salasynda eńbek etken jáne sol úshin A.Kúrishbaevtyń qolynan «Eńbek dańqy» tós belgilerin alǵan bolatyn.

Mınıstr, aǵa býyndy Jeńistiń 65 jyldyq mereıtoıymen quttyqtaı kele, olarǵa densaýlyq, uzaq ǵumyr men otbastaryna baq-bereke tiledi.

Sondaı-aq, ardagerlerge kontserttik baǵdarlama ázirlenip, merekelik sharanyń sońynda olardyń árqaısysyna baǵaly syılyqtar tartý etildi.