QR AShM Reseıden ákelingen 19 tonna banandy el aýmaǵyna kirgizbedi
QR AShM ósimdik karantıni jónindegi memlekettik ınspektorlary Qazaqstan naryǵyna RF men Vetnam elinen alyp kelingen 175 tonna ósimdik ónimin kirgizbedi.
2020 jyldyń 24 aqpan 3 naýryz aralyǵynda Atyraý, Almaty, Shyǵys Qazaqstan, Batys Qazaqstan, Qostanaı, Mańǵystaý oblystyq aýmaqtyq ınspektsııalary Reseı Federatsııasy men Vetnam memleketinen joǵary fıtosanıtarlyq qaýip-qateri bar ósimdik ónimderin zańsyz alyp kelýdiń jolyn kesti.
Karantındik baqylaý barysynda ınspektorlar 76 tonnadan astam kartop, 55 tonnadan astam jemis-jıdek jáne kókónis túrlerin, 19 tonnaǵa jýyq banan, 2 myń gúl jáne 600 dana gúl kóshetterin, sondaı-aq Vetnamnan 25 tonnaǵa jýyq keshıýdi jańǵaǵyn fıtosanıtarlyq sertıfıkatsyz alyp kelgendigin anyqtady.
Ósimdikter karantıni salasyndaǵy zańnamalardyń talaptaryna sáıkes, atalǵan ónimder Qazaqstan Respýblıkasy aýmaǵyna tasymaldaýǵa tyıym salynǵan. Kináli tulǵalar QR Ákimshilik quqyq buzýshylyq týraly Kodeksiniń 400-babyna sáıkes ákimshilik jaýapkershilikke tartyldy.