QR AShM mamandardiń biliktiligin arttyrýǵa baǵyttalǵan jobany qolǵa aldy

NUR-SULTAN. QazAqparat – QR Aýyl sharýashylyǵy mınıstrligi osy salamamandarynyń biliktiligin arttyryp, aqparat almasýǵa baǵyttalǵan «Jer baılyǵy» agromektebi jobasyn qolǵa aldy, dep habarlaıydy QazAqparat mınıstrliktiń baspasóz qyzmetine silteme jasap.

Baspasóz qyzmeti taratqan málimetterge qaraǵanda, QR Aýyl sharýashylyǵy mınıstrligi 2021-2025 jyldarǵa arnalǵan agroónerkisip keshenin damytý boıynsha qabyldanǵan ulttyq jobaǵa sáıkes, agrarlyq ǵylymdy damytý men mamandar daıarlaýǵa erekshe mańyz berip otyr.

Sondaı-aq vedomstvonyń aldynla ǵylymnyń naqty óndiristen alshaqtyǵyn eńserý, sondaı-aq ony álemdegi eń ozyq qoljetimdi tehnologııalardy engizýge qaıta baǵdarlaý mindeti tur.

Osy rette «Ulttyq agrarlyq ǵylymı-bilim berý ortalyǵy» KEAQ qoldaýymen Qazaqstan júzim, jańǵaq, jemis-jıdek jáne kókónis daqyldaryn óndirýshiler qaýymdastyǵy, «KosAgroKommerts» JShS jáne «AgriBioTech» JShS «Jer Baılyǵy» AgroMektep biregeı jobasyn júzege asyrylýda.

Agromekteptiń jumysy aýyl sharýashylyǵynyń túrli tehnologııalary men baǵyttary boıynsha aqparat almasýǵa baǵyttalǵan. Onda qazaqstandyq jáne halyqaralyq mamandar AÓK salasyndaǵy úzdik praktıkalardy kórsetýge jáne oqytýǵa daıyn.

«Agromektep teorııalyq sabaqtardy ǵana emes, sonymen qatar ǵylymı zerthanalar negizinde praktıkalyq sabaqtardy da qamtıdy. Onda árbir tyńdaýshynyń semınarlarda bilimin keńeıtip, aýyl sharýashylyǵyn kásibı júrgizý jolynda jańa biliktilikti meńgerýine múmkindik bar. Semınarlarǵa 2022 jyldyń 22 naýryzyna deıin, ár senbi kúnderi Almaty jáne Shymkent qalalarynda barýǵa bolady. Kirý tegin. Semınar kýrsynan ótkennen keıin tyńdaýshylarǵa sertıfıkat beriledi»,-delingen habarlamada.

Meken-jaılary:

Almaty q., Aqsaı sh. a., 62 a úı, 21 keńse, tel. [phone].

Shymkent qalasy: Jibek Joly kóshesi 392, tel. [phone].

e-mail: [e-mail]