QR AShM mal etiniń eksporty qanshaǵa artatynyn jarııalady
Bul týraly búgin Parlament Senatynda agroónerkásiptik keshendi damytý taqyrybynda ótken kezdesýde QR Aýyl sharýashylyǵy birinshi vıtse-mınıstri Qaırat Aıtýǵanov málim etti, dep habarlaıdy QazAqparat.
Іshki naryqty ónimmen tolyqtyrý men otandyq ónimniń eksporttyq áleýetin damytý baǵytyna toqtalǵan ol, «osy jospardy iske asyrý úshin qospa jemniń óndirisin 2 esege (1,2 mln. tonnadan 2,3 mln. tonnaǵa deıin), sýly jaıylymdardy 1,4 esege, asyl tuqymdy maldyń úlesin 1,5 esege arttyrý kózdelgen»,-dedi.
Sonymen qatar Aıtýǵanov sútti óńdeý kólemin 1,2 mıllıonnan 2,1 mıllıon tonnaǵa, qus etin 146 myńnan 298 myń tonnaǵa, iri qara etin óńdeý 416 myńnan 500 myń tonnaǵa deıin, qoı etin 144 myńnan 161 myń tonnaǵa jetkizý josparlanǵanyn jetkizdi.
«Bul baǵyttaǵy jumystar iri qara etiniń eskportyn 6,5 myńnan 70 myń tonnaǵa deıin artyrýǵa, sondaı-aq qoı etiniń eskportyn 10 myń tonnaǵa deıin jetkizýge jol ashady. Budan bólek, qus etiniń ımportyn 161 myńnan 110 myń tonnaǵa deıin tómendetedi»,- deıdi birinshi vıtse-mınıstr.