QR Alpınızm jáne jartasqa órmeleý federatsııasy yntymaqtastyq aýqymyn keńeıtpek
Federatsııanyń baspasóz qyzmetiniń habarlaýynsha, kelisim alpınızm, jartasqa órmeleý, skı-alpınızm jáne muzǵa órmeleý boıynsha halyqaralyq baılanystar men jobalar salasyndaǵy yntymaqtastyqty damytýǵa, sondaı-aq halyqaralyq is-sharalardy, baǵdarlamalar men perspektıvalardy basqarýdy jetildirýge baǵyttalǵan.
Yntymaqtastyqtyń negizgi maqsaty - federatsııanyń alpınızmmen, sporttyq jartasqa órmeleý jáne muzǵa órmeleýmen aınalysatyn sheteldik uıymdarmen halyqaralyq baılanystaryn nyǵaıtý; qazaqstandyq sportshylar men jattyqtyrýshylardyń daıarlyq deńgeıin arttyrý úshin halyqaralyq tájirıbe men saraptama tartý, halyqaralyq jarystardy, konferentsııalardy, oqý-jattyǵý lagerleri men semınarlardy uıymdastyrý.
Seriktester halyqaralyq tájirıbe, bilim jáne tehnologııalarmen almasý, federatsııanyń halyqaralyq sporttyq jáne bilim berý baǵdarlamalaryna qatysýy boıynsha konsýltatsııalar, qazaqstandyq sportshylar men jattyqtyrýshylarǵa halyqaralyq is-sharalar men jarystarǵa saparlardy uıymdastyrýǵa járdemdesý boıynsha negizgi máselelerdi talqylady.
Olımpıada júldegerlerimen kezdesýde Memleket basshysy Qasym-Jomart Toqaev chempıondardy marapattarymen quttyqtap, birqatar kúrdeli máselege toqtalyp, jattyqtyrýshylar bazasyn nyǵaıtyp, sheteldik jattyqtyrýshylardy shaqyrý qajettigin atap ótti.
Federatsııa shtaby barlyq uıymdastyrý jáne úılestirý jumystaryn júıeli túrde júrgizip keledi, bul jattyqtyrýshylar men sportshylardyń oqý-jattyǵý protsesine tereń boılaýyna múmkindik beredi. Býdapeshtte ótken irikteý oıyndarynda federatsııanyń úsh sportshysy joǵary nátıje kórsetip, Ámir Maımuratov Olımpıada lıtsenzııasyn jeńip aldy.
Buǵan deıin habarlanǵandaı, bıylǵy jyly Olımpıada oıyndarynyń tarıhynda tuńǵysh ret Parıjde ótken Olımpıadada qazaqstandyq sportshymyz Ámir Maımuratov «Jyldamdyq» túrinen sporttyq órmeleýden álemniń eń myqty bes sportshysynyń qataryna endi.
Іrikteý jarysynyń birinshi kúni Ámir 4.89 kórsetkishpen Olımpıada rekordyn jańartyp, 15 metrlik órmeleý qabyrǵasyna kóterilip, shırek fınalǵa shyqty.
Bul jetistikti Memleket basshysy olımpıadashylarmen kezdesý barysynda atap ótti.
- Bıyl olımpıadada alǵash ret usynylǵan jartasqa órmeleýden sportshylarymyz keremet nátıje kórsetti. Qalaı bolǵanda da, jasyna jáne burynǵy sińirgen eńbegine qaramastan árkim óziniń osy medaldardy ıelenýge quqyly ekenin dáleldedi. Keıbireýler úshin bul úlken sporttyq jetistikter áleminiń bastamasy ǵana. Olardyń esimderin áli talaı estip, osy saltanat zalynda taǵy kóretinimiz anyq, – dedi Prezıdent.
Bul federatsııa úshin jańa jahandyq mindetter týdyrady. Sportty damytýǵa kúsh-jiger jumsalǵan saıyn, sportta jańa juldyzdardyń paıda bolý múmkindigi soǵurlym joǵary bolady. Federatsııa áý bastan nátıjege baǵyttalǵan jáne óz jumysynda sportshylardy daıyndaý ortalyqtarynyń óńirlik jáne halyqaralyq jelisimen zamanaýı ınfraqurylymdy damytýǵa, álemdik deńgeıdegi týrnırler men chempıonattarǵa qatysý úshin halyqaralyq seriktestik kelisimderin jasaýǵa erekshe kóńil bóledi.
- Olımpıada rekordyn ornatqan sportshymyz Ámir Maımuratovtyń jetistigi búkil Qazaqstannyń, búkil federatsııanyń jeńisi boldy. Sporttyq jartasqa órmeleý – salystyrmaly túrde jas sport túri, soǵan qaramastan, sportshylarymyz turaqty tabysqa jetip keledi. Bizdiń mindetimiz – alpınızmdi, sporttyq jartasqa órmeleýdi jáne shańǵymen syrǵanaýdy ulttyq sport túrleriniń birine aınaldyrý. Biz federatsııa retinde álemdik standartqa saı barlyq jaǵdaıdy jasasaq, sportshylar jańa jeńisterge bar kúsh-jigerin salyp, halyqaralyq arenada Qazaqstandy laıyqty deńgeıde tanyta alatynyna senimdimin. Bul kelisimge qol qoıý sportshylarǵa eń jaqsy nysandarda jattyǵýǵa, jattyqtyrýshylarǵa – halyqaralyq yntymaqtastyq sheńberin keńeıtýge, sportshylardyń úzdikterin daıyndaýda jańa, neǵurlym ónimdi halyqaralyq tásilderdi engizýge múmkindik beredi. Otandyq sportty metsenattar belsendirek qoldaǵanyn qalaımyn, óıtkeni patrıotızm degen osy emes pe?. Sportshylardy daıyndaýǵa kásibı kózqarasty qalyptastyrýdaǵy barlyq quramdas bólikterdi biriktirý arqyly biz osy dınamıkalyq tártip boıynsha kásibı mamandardy daıyndaı alamyz, - dedi Qazaqstan Respýblıkasy Alpınızm jáne sporttyq jartasqa órmeleý federatsııasynyń prezıdenti Nursultan Shoqanov.
Osyǵan deıin Alpınızm jáne sporttyq jartasqa órmeleý federatsııasynyń vıtse-prezıdentteri saılanǵanyn jazdyq.