QR Aqparat jáne qoǵamdyq damý mınıstrligi Telegram-da arna ashty

NUR-SULTAN. QazAqparat - QR Aqparat jáne qoǵamdyq damý mınıstrligi Telegram jelisinde arnasyn ashty, dep habarlaıdy QazAqparat.

«Búgingi aqparat tasqyny tolastamaǵan zamanda atqarýshy bıliktiń halyqpen únemi baılanysta bolýynyń mańyzy zor. Osy oraıda, bizdiń mınıstrlik te ashyqtyq qaǵıdatyn ustanyp, jańa Telegram arnamyzdyń oqyrmandarymen tyń ári ózekti aqparatpen bólisip otyrýǵa tyrysady. Munda Aqparat jáne qoǵamdyq damý mınıstrligi qyzmetinen bólek, basqa da memlekettik ortalyq organdardyń jańalyqtary jedel jarııalanatyn bolady», - dep jazdy QR Aqparat jáne qoǵamdyq damý mınıstri Aıda Balaeva.

Oqyrmandar usynys-tilekterin [e-mail] poshtasyna joldaı alady.

«Olardy, biz, mindeti túrde kúndelikti jumys barysynda eskeretin bolamyz», delingen habarlamada.