QR Ádilet mınıstrligine 2013 jylǵa zańnamalyq jumystar josparynyń sapaly oryndalýyn qamtamasyz etý tapsyryldy
«Sonymen qatar memlekttik organdardyń zań shyǵarý qyzmetindegi úılestirýdi kúsheıtý kerek»,-dep atap ótti Premer-Mınıstr.
Osy oraıda Úkimet basshysy bul salanyń jumystary jeńil emes ekendigin aıta kele: «Úkimettiń zań jobalaý qyzmeti Parlament, Prezıdent Ákimshiligi tarapynan negizdi synǵa ushyrap jatady. Sondyqtan da osy máselege barlyq memlekettik organdardyń basshylaryna aıryqsha nazar aýdarýdy tapsyramyn»,-dedi S. Ahmetov.
QR Ádilet mınıstrliginiń málimetinshe, Úkimettiń 2011 jylǵy 30 jeltoqsanyndaǵy qaýlysymen bekitilgen QR Úkimetiniń zań jobalaý jumystarynyń 2012 jylǵa arnalǵan josparynda Parlament Májisine 34 zań jobasyn engizý kózdelgen. Bıylǵy 20 jeltoqsandaǵy jaǵdaı boıynsha Májiliske 26 zań jobasy engizilgen, onyń beseýine Memleket basshysy qol qoıdy. Osy jyldyń aıaǵyna deıin Májiliske taǵy da 7 zań jobasyn engizý qajet. Aǵymdaǵy jylǵa josparlanǵan 34 zań jobasynan ekeýi alynyp tastaldy.