QR Ádilet mınıstrligi Abylaı Myrzahmetov isine qatysty pikir bildirdi
«Quqyqtyq memleket tártibi boıynsha kúdikti adam kinási sotta dáleldenbeıinshe, kinásiz dep esepteledi. Sondyqtan tıisti derekter aıasynda tergeý amaldary qamtylyp, sot sheshimi shyǵarylýy kerek. Bul turǵyda qazir bizdiń vedomstvo jaǵynan qandaı da bir málimdeme jasaý orynsyz dep oılaımyn», - dedi Botagóz Jaqselekova Senattyń jalpy otyrysynan keıin tilshiler suraǵyna jaýap bere otyryp.
Sonymen qatar tilshiler Abylaı Myrzahmetovke qatysty qandaı úkim shyǵýy múmkin ekenin surady.
«Barlyǵy tergeý nátıjesine, jasalǵan áreketterdi saralaýǵa baılanysty bolady. Zań boıynsha jaýapkershilik qarastyrylǵan», -dedi vıtse-mınıstr.
Budan buryn habarlanǵandaı, 10 mamyrda «Atameken» Ulttyq kásipkerler palatasy basqarmasynyń eks-tóraǵasy Abylaı Myrzahmetov ustaldy.
Ol alaıaqtyq pen kásipkerdi onyń týysyn qylmystyq jaýapkershilikten bosatýǵa járdemdeskeni úshin asa iri kólemde para berýge ıtermelegen degen kúdikke ilindi.