QR Ádilet mınıstri shyǵysqazaqstandyq soǵys ardagerlerimen kezdesti
dep habarlady atalǵan vedomstvonyń baspasóz qyzmetinen.
«Ádilet mınıstri ardagerlerdi quttyqtaı kele, Jeńis merekesi birneshe ondaǵan jyldar ótse de, maıdandastar urpaǵynyń erligi, aıbyny men qurmetiniń jarqyn sımvoly bolyp qala beretinin atap ótti. Olardyń eren erligi úshin shynaıy rızashylyǵyn bildirdi. Sonymen qatar Shyǵys Qazaqstan oblysy turǵyndarynyń fashızmdi jeńýde KSRO aýmaǵyndaǵy jáne odan tys jerlerdegi barlyq iri urystarǵa qatysýshy jaýyngerler retinde qosqan úlesin tilge tıek etti», delingen baspasóz baıanynda.
Muraǵat derekterine sáıkes, tek shyǵysqazaqstandyq 60 adam Keńes Odaǵy Batyry ataǵyna ıe bolyp, 30 myń adam ordendermen, 72 myńnan astam adam «Uly Otan soǵysyndaǵy eren eńbegi úshin» medalimen marapattalǵan.
Kezdesý sońynda maıdangerler memlekettiń Uly Otan soǵysynyń ardagerleri men qatysýshylaryn áleýmettik qoldaý kórsetý úshin qabyldap otyrǵan sharalaryna rızashylyqtaryn bildirdi.