QPL: «Jetisý» týrnır kestesinde kósh basyna shyqty

<p>ASTANA. KAZINFORM - Búgin fýtboldan Qazaqstan Premer-lıgasynyń VIII týry &laquo;Turan&raquo; (Túrkistan) men &laquo;Jetisý&raquo; (Taldyqorǵan) arasyndaǵy oıynmen bastaldy.&nbsp;</p>

Shymkentte ótken oıyndy qos komanda alma-kezekshe shabýylmen bastady. Tartysqa toly kezdesýde taldyqorǵandyq fýtbolshylar senimdi oıyn órnegin kórsetti. 

Matchtyń 14-mınýtynda taldyqorǵandyq klýb sapynan Danııar Úsenov mergendigimen kózge tústi. Oǵan «Turan» sapynan Lonardo Vaka 23-mınýtta jaýap qaıyrdy. Oıynnyń 47-mınýtynda qonaq komandanyń oıynshysy Ádilhan Dobaı gol soǵyp, esepti 1:2-ge jetkizse, 74-mınýtta Dinmuahmed Qaraman osy oıyndaǵy mańyzdy goldyń birin soqty. Al, 94-mınýtta túrkistandyq ujym qatarynan Aslýdın Hadjıev kózge túskenimen, ol tarazy basyn teńestirýge jetkiliksiz boldy.

Osylaısha qarsylasyn 3:2 esebimen tize búktirgen «Jetisý» birinshiliktegi tórtinshi jeńisine qol jetkizdi. Nátıjesinde týrnır kestesinde 13 upaımen kósh basyna shyqty. 

Endi 12 mamyrda atalǵan týrda «Qyzyljar» (Petropavl) men «Aqtóbe», «Elimaı» (Semeı) men «Shahter» (Qaraǵandy), «Jeńis» (Astana) men «Qaırat» (Almaty), «Astana» men «Qaısar» (Qyzylorda), «Ordabasy» (Shymkent) men «Tobyl» (Qostanaı) kezdesedi.