QPL: «Jeńis» jáne «Astana» upaı bólisti

<p>ASTANA. KAZINFORM - Fýtboldan Premer-lıga komandalary arasyndaǵy el birinshiliginiń keıinge qaldyrylǵan 18-týr oıyny ótkizildi.</p>

Bul oıynda elordalyq «Jeńis» jáne «Astana» komandalary kezdesti.

Týrnır kestesinde eki komandanyń jaǵdaıy túrlishe bolatyn. Sońǵy orynnyń birinde kele jatqan «Jeńis» úshin árbir upaıdyń mańyzy artyp tur. Bas báıgeden úmitti «Astanaǵa» úsh upaı qajet.

Kezdesý barysynda «Astana» sapynan Djeffrı Chınedý 52-mınýtta esep ashqan edi. Degenmen bul esepti olar kóp ustap tura alǵan joq. Oıynnyń 60-mınýtynda «Jeńis» oıynshysy Adılıo tarazy basyn teńestirdi.

Kezdesýde komandalar 1:1 esebine qanaǵat bildirip tarasty.

Endi 22-týrda 4 qazanda «Jeńis» Qostanaıdyń «Tobylymen» kezdesse, «Astana» Qaraǵandynyń «Shahterimen» sheberlik baıqasady.

Eske salsaq, budan buryn «Aqtóbe» 16 jyldan keıin Qazaqstan kýbogynyń ıegeri atandy.