22:30, 16 Tamyz 2025

QPL: «Turan» on eki oıynnan keıin jeńiske jetti

ASTANA. KAZINFORM - Fýtboldan Premer-lıga komandalary arasyndaǵy el birinshiliginiń HHІ týrynyń alǵashqy oıyn kúni ótti.

Foto: «Turan» fýtbol klýby

Bul kúngi oıyndardy «Turan» (Túrkistan) men «Qaısar» (Qyzylorda) kezdesýi túıindedi.

Týrnır kestesinde sońǵy oryndardy mise tutqan komandalar oıynynda túrkistandyq klýb 1:0 esebimen basym tústi. Nátıjesinde 12 oıynnan keıin jeńiske jetti. Olar mamyr aıynan beri 11 márte qarsylasyna ese jiberip, 1 márte teń tústi.

Búgin almatylyq «Qaırat» óz alańynda Semeıdiń «Elimaıyna» 2:3 esebimen jol berse, «Qyzyljar» (Petropavl) men «Jeńis» (Astana) kezdesýinde 1:1 esebi tirkeldi.

Sondaı-aq 17 tamyzda 20:00-de «Ordabasy» (Shymkent) men «Tobyl» (Qostanaı), «Jetisý» (Taldyqorǵan) men «Atyraý», «Aqtóbe» men «Oqjetpes» (Kókshetaý), «Astana» men «Ulytaý» (Jezqazǵan) oınaıdy.

Surmergender kóshinde Dáýren Jumat («Oqjetpes») 10 golmen jeke-dara kósh bastap tur. Nazmı Grıpshı («Astana») 9 golmen ekinshi orynda, odan keıingi oryndardaǵy Dastan Sátpaev («Qaırat») pen Marın Tomasov («Astana») 8 gol soǵyp úlgergen.

"Turan" FK Sport Fýtbol

Ádiljan Úmbet

1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi. 2015-2020 jyldarda «Aqmeshit aptalyǵy» gazetiniń bas redaktory boldy. Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti. 2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.