QPL: «Ordabasy» «Shahterdi» iri eseppen jeńip, birinshilikti sátti bastady

<p>ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginde shymkenttik &laquo;Ordabasy&raquo; óz alańynda Qaraǵandynyń &laquo;Shahterin&raquo; iri eseppen jeńdi.</p>

Ótken jyly el chempıony ataǵyn tuńǵysh márte jeńip alǵan «Ordabasy» bıyl da sol jetistigin jalǵastyrýdy qalaıdy. Sondyqtan quramyna jańadan fýtbolshylar tartyp, chempıondyq ataqqa úmitker ujymdar qataryna qosylyp otyr.

Qarjylyq qıyndyqqa baılanysty «Shahterdiń» birqatar oıynshylary basqa klýbqa aýysyp ketti. Bıyl olar negizinen jergilikti túlekterge úmit artady.

Kezdesý barysynda shymkenttik klýb jyldam gol soǵyp úlgerdi. Oıynnyń 5-mınýtynda Igor Plastýn esep ashsa, odan keıin Shahboz Ýmarov 13, Jasýrbek ıAhshıboev 37-mınýtta esepti ústemeleı tústi.

Shymkenttik klýbtan Zlatan Sehovıch 60, Sergeı Malyı 68-mınýtta taǵy eki gol soqty.

Osylaısha «Ordabasy» qarsylasyn 5:0 esebimen iri eseppen jeńdi.

Búgin, 2 naýryzda «Qaırat» «Qyzyljardy» 2:1 esebimen súrindirse, «Elimaı» men «Atyraý» 0:0 esebine qanaǵat bildirdi.

Sondaı-aq, 1 naýryzda «Astana» «Jeńisti» 2:0 esebimen jeńse, «Qaısar» «Aqtóbege» 1:3 esebimen jol berdi.

Endi búgin 19.00-de «Tobyl» (Qostanaı) men «Turan» (Túrkistan) sheberlik baıqasady.