QPL: «Ordabasy» qatarynan eki márte jeńilip qaldy

<p>ASTANA. KAZINFORM - Shymkenttiń &laquo;Ordabasy&raquo; Qazaqstan Premer-lıgasy komandalary arasyndaǵy el birinshiliginiń 24-týrynda elordalyq &laquo;Jeńis&raquo; komandasyna jol berdi.</p>

Bıyl mamandar shymkenttik klýbty chempıondyq ataqqa qol jetkizedi degen joramal jasaǵan edi. Alaıda sońǵy týrlarda sátsizdikke ushyrap, týrnır kestesindegi jaǵdaıyn birshama qıyndatyp aldy. 

Búgingi oıynda olar qarsylasyna 1:2 esebimen jol berdi. Kezdesý barysynda elordalyq komanda Lýkas Býdınskıı 7-mınýtta esep ashsa, Adılıo 29-mınýtta basymdyqty arttyrdy.

Oǵan «Ordabasy» sapynan Vsevolod Sadovskıı 65-mınýtta bir golmen jaýap qaıyrdy.

Saldarynan shymkenttik klýb qatarynan eki márte jeńilistiń aşy dámin tatty. Olar budan qostanaılyq «Tobylǵa» 0:2 esebimen ese jibergen edi.

Sondaı-aq Semeıdiń «Elimaı» komandasy syrt alańda «Atyraýǵa» 0:1, «Jetisý» «Qaıratqa» 1:2 esebimen jol berdi. 

Endi 27 qazanda «Shahter» men «Qyzyljar», «Turan» men «Túrkistan», «Astana» men «Atyraý» kezdesedi.

Eske salsaq, «Semeı» men «Qaırat» fýtzaldan Chempıondar lıgasy elıtalyq kezeńine joldama aldy.