ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonatynyń ekinshi týrynda kókshetaýlyq «Oqjetpes» klýby «Atyraýdan» basym tústi.
Kezdesý barysynda kókshetaýlyq komanda birden shabýylǵa kóshti. Qarsylas ujym qaqpasy aldynda jıi boı kórsetti. Osyndaı sáttiń birinde qaqpadan sańylaý taýyp ketti. Ony 6-mınýtta Dáýren Jumat óziniń enshisine jazdy.
Ekinshi kezeńde Damır Marat 52-mınýtta «Oqjetpestiń» basymdyǵyn arttyra tústi.
Oıynnyń 82-mınýtynda atyraýlyq klýbtan Barbosa esep aıyrmasyn qysqartty.
Atalǵan týrda dál qazir «Jeńis» pen «Tobyl», «Jetisý» men «Ulytaý» komandalary kezdesip jatyr. Birinshi kezeńnen keıin esep - 0:0.
Bul týrdaǵy alǵashqy oıyn kúnin saǵat 18:00-ge «Qaırat» (Almaty) pen «Ordabasy» (Shymkent) komandalary túıindeıdi.
Sondaı-aq 9 naýryzda «Aqtóbe» men «Turan» (Túrkistan), «Elimaı» (Semeı) men «Qaısar» (Qyzylorda), «Qyzyljar» (Astana) men «Astana» sheberlik baıqasady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.