ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń keıinge qaldyrylǵan VIII-týrynyń sońǵy oıyny ótedi. Bul kezdesýde «Qaırat» (Almaty) pen «Jeńis» (Astana) sheberlik baıqasady.
Oıyn Qazaqstan ýaqytymen 18:00-de bastalyp, «Qazsport» telearnasynan tikeleı efırde kórsetiledi.
Atalǵan týrdaǵy ózge oıyndar 10 jáne 11 mamyr kúnderi ótkizildi. 10 mamyrda Petropavldyń «Qyzyljary» Jezqazǵannyń «Ulytaýyn» 2:1, túrkistandyq «Turan» «Atyraýdy» 1:0 esebimen tizşe búktirse, «Astana» qostanaılyq «Tobylǵa» 1:3 esebimen jeńildi.
Al 11 mamyrda Shymkenttiń «Ordabasy» klýby Qyzylordanyń «Qaısaryn», «Aqtóbe» Semeıdiń «Elimaıyn» 1:0 esebimen qapy qaldyryp, Taldyqorǵannyń «Jetisýy» kókshetaýlyq «Oqjetpeske» 1:3 esebimen ese jiberdi.
Surmergender kóshinde Nazmı Grıpshı («Astana») 13 golmen kósh bastap tursa, odan keıingi oryndarda Marın Tomasov («Astana») 11, Dastan Sátpaev («Qaırat») pen Dáýren Jumat («Oqjetpes») 9 golmen keledi.
Eske salsaq, budan buryn «Ulytaý» óz alańynda «Aqtóbeden» basym tústi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.