ASTANA. KAZINFORM — Búgin Qazaqstan Premer-lıgasynyń keıinge qaldyrylǵan 22-týrynda «Oqjetpes» pen «Qaırat» komandalary kezdesedi.
Kezdesý qazaqstandyq ýaqytpen 16:00–de bastalyp, «Qazsport» telearnasynan tikeleı efırde kórsetiledi.
Bul týrdaǵy ózge oıyndar 23 jáne 24 tamyz kúnderi ótti. 23 tamyzda Qostanaıdyń túrkistandyq «Turandy», Semeıdiń «Elimaıy» Petropavldyń «Qyzyljaryn» 2:0, elordalyq «Jeńis» «Astanany», «Aqtóbe» taldyqorǵandyq «Jetisýdy» 3:2, jezqazǵandyq «Ulytaý» Shymkenttiń «Ordabasysyn» 2:1 esebimen jeńse, «Qaısar» (Qyzylorda) men «Atyraý» 0:0 esebine qanaǵat bildirdi.
Qazir týrnır kestesinde «Qaırat» 20 oıynnan keıin 43 upaımen úshinshi orynda kele jatsa, 21 oıynnan keıin 32 upaı jınaǵan «Oqjetpes» altynshy orynda tur.
Surmergender tiziminde «Astana» sapynda Nazmı Grıpshı 11 golmen kósh bastap keledi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.