QPL: «Elimaı» týrnır kestesinde kósh basyna shyqty

<p>ASTANA. KAZINFORM - Búgin fýtboldan Qazaqstan Premer-lıgasynyń VII týrynda eki oıynnyń nátıjesi belgili boldy.&nbsp;</p>

Atalǵan týrda Petropavldyń «Qyzyljary» óz alańynda Túrkistannyń «Turanyn» qabyldady.

Petropavldyq komanda sońǵy eki oıynnyń birinde teń túsip, birinde jeńilis tapty. Sondyqtan búgingi kezdesýde olar jeńiske jetýge bar kúshin salatyny anyq edi. Oıyn barysynda túrkistandyq klýb sapynan Aleksandr Sokolenko 56-mınýtta esep ashsa, Nıkola Kýkchıch 71-mınýtta penaltı oryndaı alǵan joq. Degenmen oıyndaǵy jalǵyz gol «Turan» fýtbolshylaryna jeńiske jetýge jetkilikti boldy. Osylaısha «Qyzyljar» qarsylasyna 0:1 esebimen ese jiberdi.

Aıta ketsek, petropavldyq klýb qatarynan úshinshi márte jeńiske jete almaı keledi. 

Taǵy bir kezdesýde Semeıdiń «Elimaıy» syrt alańda Astananyń «Jeńisin» 2:1 esebimen jeńdi. Oıynda semeılik klýbtan Kventın Kornet 61, ıÝrıı Pertsýh 77-mınýtta mergendik tanytty. Oǵan «Jeńis» sapynan Ilıasa Zýlfýı 93-mınýtta bir golmen jaýap qaıyrdy.

Bul jeńisten keıin «Elimaı» týrnır kestesinde kósh basyna shyqty.

Endi 16:30-da «Qaırat» (Almaty) men «Atyraý», «Tobyl» (Qostanaı) men «Jetisý» (Taldyqorǵan) oınasa, 19.00-de «Aqtóbe» men «Astana» jasyl alańǵa shyǵady.
Atalǵan týrdy 5 mamyrda 19:00-de «Shahter» (Qaraǵandy) men «Qaısar» (Qyzylorda) túıindeıdi.