ASTANA. KAZINFORM - Fýtboldan Qazaqstan Premer-lıgasynyń ekinshi týrynda shymkenttik «Ordabasy» «Atyraýmen» teń túsip qaldy.
Birinshi kezeńde komandalar gol soǵatyn birneshe múmkindikti jiberip aldy.
Ekinshi kezeńde «Atyraý» sapynan Oljas Kerimjanov 66-mınýtta óz qaqpasyna gol soǵyp alsa, 95-mınýtta Ersultan Qaldybekov tarazy basyn teńestirip ketti.
Osylaısha komandalar 1:1 esebine qanaǵat bildirdi.
Foto: "Ordabasy" FKAıta ketsek, búgin óz alańynda Qyzylordanyń «Qaısary» Petropavldyń «Qyzyljaryna» 0:3 esebimen ese jiberdi.
Dál qazir Qostanaıda jergilikti «Tobyl» men Semeıdiń «Elimaı» klýbymen kezdesip jatyr. Ázirge 1:0 esebimen semeılik klýb alda keledi.
Endi 7 naýryzda «Jeńis» (Astana) pen «Shahter» (Qaraǵandy), «Turan» (Túrkistan) men «Qaırat» (Almaty) sheberlik baıqasady.
Sondaı-aq, 5 naýryzda «Astana» «Jetisýdan» 2:0 esebimen basym tústi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.