QPL-2024: «Qaırat» syrt alańda «Turanmen» teń tústi

<p>ASTANA. KAZINFORM - Fýtboldan Qazaqstan Premer-lıgasynyń ekinshi týrynda almatylyq &laquo;Qaırat&raquo; Túrkistannyń &laquo;Turan&raquo; komandasymen teń tústi.</p>

Bul oıyn Túrkistanda emes, Shymkent qalasyndaǵy Q.Muńaıtpasov atyndaǵy stadıonda boldy. Sebebi «Túrkistan-arenada» jóndeý jumystaryna baılanysty komanda osyndaı sheshimge kelgen.

Kezdesý barysynda almatylyq klýbtyń gol soǵatyn birneshe múmkindigi bolǵan edi. Degenmen olar urymtal sátterdi múlt jiberip aldy. Osylaısha komandalar 0:0 esebine qanaǵat bildirdi. Sondaı-aq búgin «Jeńis» «Shahterdi» 1:0 esebimen tize búktirdi.

Aıta ketsek, 5 naýryzda «Astana» komandasy «Jetisýdi» 2:0 esebimen jeńgen edi.

Al 6 naýryzda óz alańynda Qyzylordanyń «Qaısary» Petropavldyń «Qyzyljaryna» 0:3 esebimen ese jiberse, «Atyraý» men «Ordabasy» 1:1 esebine qanaǵat bildirdi. Al qostanaılyq «Tobyl» óz alańynda «Elimaıdan» 4:2 esebimen basym tústi.