Kózi ashyq, kóńili oıaý adam memleketti haosqa jibermegen basshysyn baǵalaýy tıis - Edil Jańbyrshın
«Ókinishke qaraı, Almaty oblysy, Almaty, Taraz, jáne basqa da qalalarda beıbit sherýler arandatýshylardyń kesirinen jappaı buzaqylyq pen qantógiske ulasty. Qanshama beıbit azamattar men qarýsyz quqyq qorǵaý qyzmetkerleri jaralandy, qaza tapty. Memlekettik jáne kásipkerlik nysandar qırady. Bul ádeıi uıymdastyrylǵan áreket dep esepteımin. Óıtkeni Prezıdent Toqaevtyń iske asyra bastaǵan saıası jáne ekonomıkalyq reformalaryna qarsy toptar osyndaı qatygezdikke bardy. Iá, elde qordalanyp qalǵan áleýmettik-ekonomıkalyq máseleler bar. Ol jasyryn emes. Osy jaǵdaıdy utymdy paıdalanǵysy kelgen bılikqumar aramzalar halyqtyń atyn jamylyp, ózderiniń aram pıǵyldaryn iske asyrǵylary keldi. Tike aıtqanda olardyń oılary memlekette tóńkeris jasaý edi», - dedi Májilis depýtaty.
Edil Jańbyrshın osyndaı syn saǵatta Prezıdent búlikti uıymdastyrýshylar kútpegen qadamǵa barǵanyn aıtady.
«Qantógisti uıymdastyrýshylar Memleket basshysy búkil óńirler kóterilgende elden ketip qalady nemese óz orynyn bosatady, bılikti ońaı bere salady dep oılaǵan bolýy kerek. Mundaı jaǵdaılar búlik shyqqan memleketterde bolǵanyn jaqsy bilemiz. Shynynda da elde aýyr jaǵdaı oryn aldy. Bılik qyl ústinde turdy. Alaıda, Qasym-Jomart Kemelulynyń tabandy pozıtsııasy, ótkir sheshimderi jáne Qazaqstan halqyna qaıta-qaıta jasaǵan úndeýleri kóńilge senim uıalatyp, qaskóılerdiń aram oılaryn iske asyrýǵa múmkindik bermedi. Memleketti haosqa jibermegen basshyny kózi ashyq, kóńili oıaý adam baǵalaı bilýi kerek», - dedi depýtat.