Qoja Ahmet ıAsaýıge qatysty tyń derekter izdestirýdi qolǵa alǵan joba bastaldy
Jobanyń maqsaty - túrki áleminiń tulǵasy Qoja Ahmet ıAsaýı tarıhyn dáripteý, balalyq shaǵynan bastap shákirtterine deıingi tolyqqandy málimetterdi toptastyrý, tyń derekter izdeý, nasıhattaý.
«Osy oraıda Qoja Ahmet ıAsaýıdiń babasy Mahmut shaıyq, ákesi Ibrahım, anasy Qarashash, eń alǵashqy ustazy Aq Ata jerlengen kesenelerine taǵzym etip, tarıhymen tanysý jumystary júrgizilýde. Sonymen qatar, Mahmut shaıyqtyń áýleti, ıaǵnı Ibrahım ata men Qarashash ananyń otbasy qonystanǵan, Ahmet ıAsaýıdiń kindik qany tamyp, balalyq shaǵy ótken qarashańyraq ornynda da túsirilim jumystary júrgizildi. Sapar barysynda Saıram tarıhy mýzeıi jáne tarıhshylar men kónekóz qarııalardan da tyń derekter jınastyryldy», delingen habarlamada.
Baspasóz qyzmetiniń málimetinshe, aldaǵy ýaqytta, ıAsaýıdiń ustazdary men Qazaqstandaǵy jáne shetelge taralǵan izbasarlary jaıly zertteý jumystary men túsirilimder jalǵasyn tabady.
Aıta keterligi, «ıAsaýı izimen» jobasynyń avtory - «Áziret Sultan» memlekettik tarıhı-mádenı qoryq-mýzeıiniń dırektory Nurbolat Ahmetjanov.
FOTO: azretsultan.kz