Qoja Ahmet ıAsaýı kesenesiniń jaǵdaıyn arnaıy komıssııa anyqtaıdy

<p>Túrkistandaǵy keseneniń jaǵdaıyn arnaıy qurylǵan komıssııa anyqtaıdy. Bul týraly Túrkistan qalasynyń ákimi Nurbol Turashbekov málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Túrkistandaǵy tarıhı nysan tóńireginde kóptegen alyp-qashpa áńgime aıtylyp júrgenine birshama ýaqyt boldy.

600 jyldan astam tarıhy bar nysannyń keı qabyrǵalary quzdanyp, sýlana bastaǵan. Tuzy shyǵyp ketken jerleri de bar.

Budan aldyn Qoja Ahmet ıAsaýı kesenesine qaýip tónip turǵanyn Kazinform agenttiginiń arnaıy materıalynda jarııalaǵan bolatynbyz.

Búgin Túrkistan óńirlik kommýnıkatsııalar qyzmetinde ótken brıfıngte qala ákimi Nurbol Turashbekov kesene aýmaǵynda arnaıy komıssııa jumys istep jatqanyn aıtty.

«Eki-úsh aıdan beri týrısterdi keseneniń artqy esiginen kirgizip jatyr. Negizgi jaǵynda rekonstrýktsııa júrip jatyr. Ol boıynsha komıssııa qurylǵan. Endi ony mamandar bir jyl boıy anyqtaıdy. Qazir ylǵaldaný ár maýsymda qaı deńgeıde bolatynyn zerttelip jatyr. Máselen keseneniń jaǵdaıy jaz, kúz, qysqy maýsymda jáne kóktemde qalaı bolady? Sodan keıin baryp qorytyndy shyǵady. Sol kezde ǵana naqty jaýap aıtylady. Búgingi tańda jumys bastaldy», - dedi qala ákimi Nurbol Turashbekov.