Qoja Ahmet ıAsaýı kesenesi 15 maýsymda ashylady

TÚRKІSTAN. QazAqparat – Túrkistandaǵy Qoja Ahmet ıAsaýı kesenesi 15 maýsymda ashylady. Bul týraly oblys ákimi Ómirzaq Shókeev áleýmettik jelidegi paraqshasynda jazdy, dep habarlaıdy QazAqparat.

«15 maýsymnan bastap Qoja Ahmet ıAsaýı kesenesin ashamyz. Karantın jaǵdaıynyń uzarýyna baılanysty nysan jumysyn ýaqytsha toqtatqan bolatyn. Endi qala qonaqtary qasıetti orynǵa kelip, zııarat ete alady. Sonymen qatar, jańarǵan qalanyń ózgerisine kýá bolasyzdar. Týrıster úshin kesene Rýhanı ortalyq retinde qaıta jańǵyrmaq. Bastysy, qaýipsizdikterińiz úshin karantın talaptaryn qatań saqtaýlaryńyzdy suraımyn»,- dedi Ómirzaq Shókeev.

Aıta keteıik, elimizde qaýipti indettiń taralý qaýpine baılanysty Qoja Ahmet ıAsaýı kesenesi de ýaqytsha jabylǵan bolatyn.