Qoja Ahmet ıAsaýı kesenesinen 100 metr radıýsta bıik ǵımarat salýǵa zańmen tyıym salynady

<p>ASTANA. KAZINFORM &ndash; Túrkistan qalasyna erekshe mártebe berý týraly zań jobasy talqylanyp jatyr.</p>

Premer-mınıstrdiń orynbasary – Ulttyq Ekonomıka mınıstri Nurlan Baıbazarov zań jobasyn ázirlegen kezde Anglııa, Italııa, Ózbekstan, Ázerbaıjan sııaqty elderdiń tájirıbesi negizge alynǵanyn aıtty.

Zań jobasynyń mynandaı negizgi jańashyldyqtar bar:

- Túrkistan qalasynyń arheologııa eskertkishteriniń rezervatyn qurý;

- Ulttyq qolóner salasyndaǵy sheberlerdiń shyǵyndaryn ishinara bıýdjetten óteý;

- Qoja Ahmet ıAsaýı kesenesiniń aınalasyndaǵy qurylysty shekteý, qurylystyń bógde elementterine jol bermeý jáne onyń biregeıligin saqtaý.

- Keseneni qorǵaý aımaǵynyń shekarasyna irgeles jatqan júz metrlik qashyqtyqta bıiktigi jeti metrden asatyn, aýqymy, túsi jáne qurylys materıaldary boıynsha tarıhı eskertkishtermen sáıkes kelmeıtin obektiler salýǵa jol berilmeıdi. Memlekettik áleýmettik obektilerdi salý úshin jeke qurylys salýshylarǵa ýaqytsha óteýsiz jer paıdalaný quqyǵyn alý jáne berý boıynsha qala ákimdigine quzyret berý usynylyp otyr, - dedi vıtse-premer.

Buǵan deıin Túrkistan oblysynda 30-ǵa jýyq aýyl ishimdikten bas tartqany týraly málimet taraǵan edi.