Qozǵaltqysh kólemi 3 lıtrden asatyn kólikterge salyqty kóbeıtý keıinge qaldyryldy

NUR-SULTAN. QazAqparat - Qazaqstanda qozǵaltqyshynyń kólemi 3 lıtrden asatyn kólikterge qosymsha salyq salynbaq. Osyǵan baılanysty QR Ulttyq ekonomıka mınıstrligi pikir bildirdi, dep habarlaıdy QazAqparat tilshisi.

«Ulttyq ekonomıka mınıstrligi janyndaǵy jumys tobynda budan buryn qozǵaltqyshy 3000 tekshe santımetrden asatyn jańa kólikter ımportyna aktsızderdi ulǵaıtý máselesi talqylandy. Jumys tobynyń sheshimimen bul másele ári qaraı zertteýge qaldyryldy», - dep habarlady QR UEM.

Eske salaıyq, budan buryn vedomstvoǵa qarasty jumys toby qozǵaltqysh kólemi 3 lıtrden asatyn jańa kólikter ımportyna aktsızderdi ósirý máselesin kótergen edi.

Bıyl 20 mamyrda QR Ulttyq ekonomıka mınıstrligi «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasy tujyrymdamasyn Ashyq NQA portalyna talqylaýǵa shyǵardy.

Jarııa talqylaý osy jyldyń 3 maýsymyna deıin aıaqtalýy tıis.