Qozǵaltqyshy bar velosıpedterge trotýarlarda júrýge bolmaıdy - mınıstrlik

<p>ASTANA. KAZINFORM &ndash; Elektrli qozǵaltqyshpen júretin velosıpedterge jańa talaptar qoıyldy. Bul týraly QR Іshki ister mınıstriniń orynbasary Igor Lepeha aıtty.</p>

Búgin Senattyń jalpy otyrysynan keıin tilshiler «Elektrli qozǵaltqyshy bar velesıpedterdi tirkeý qajet pe?» degen suraq qoıdy.

«Qazir qozǵaltqyshy bar velesıpedterdi memlekettik tirkeýdiń qajeti joq. Búgin Senatta maquldanǵan zań aıasynda qozǵaltqyshy bar velosıped uǵymy naqtylandy. ıAǵnı elektrli qozǵaltqyshpen júretin velosıpedterge jaıaý júrginshiler joldary men trotýarlarda júrgizýge tyıym salynady», - dedi I.Lepeha.

Budan buryn habarlanǵandaı, búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine jekelegen kólik quraldary túrleriniń júrýin uıymdastyrý jáne jol qaýipsizdigin tsıfrlandyrý máseleleri boıynsha ózgerister men tolyqtyrýlar engizý týraly» Zańy men ilespe qujat maquldandy. 

Zań aıasynda mopedterdi mindetti memlekettik tirkeý engiziledi. Qoldanystaǵy norma boıynsha eń joǵary konstrýktıvtik jyldamdyǵy saǵatyna elý kılometrden asatyn mopedter tirkeýge jatady. Al qaralyp otyrǵan zańǵa sáıkes, barlyq mopedter tirkelýi tıis.