Qoıshyǵara Salǵarauly jańa eńbeginde resmı tarıhtaǵy túrik halyqtary ǵumyr¬nama¬synyń bastalýy durys emestigin dáleldedi - ǵalymdar

ASTANA. QazAqparat - Qazaqstan Respýblıkasy Memlekettik syıly¬ǵynyń jáne Kúltegin syılyǵynyń ıegeri, Qazaqstannyń eńbek sińirgen qaıratkeri, belgili ǵalym ári jazýshy Qoıshyǵara Salǵaraulynyń «Jer-jahanda arǵy atańnyń izi bar» dep atalatyn jańa kitaby tyń derekter, sony materıaldarmen aıryqsha nazar aýdartady, dep jazady tehnıka ǵylymdarynyń doktory Kerimjan Seıitjanov pen professor Saǵynǵalı Ábýbákirov «Egemen Qazaqstan» gazetindegi «Tegin bilý - tektilik» maqalasynda. 

Avtor eńbeginde buryn-sońdy zertteýshilerdiń qalamyna ilikpegen álem halyq¬tarynyń mıfologııasyndaǵy derekterdi búgingi ǵylym jetistikterimen sabaqtastyra taldaý arqyly babalarymyzdyń adamzattyń damýyna qosqan úlesin keremet sheber kórsetken. Jańa eńbektiń zertteý aýqymy tipti, tereńge ketip, adamzattyń jaratylys kezeńi men alǵashqy órkenıetter týraly syr shertedi.
Avtor bul eńbeginiń aldyna qoıǵan basty maqsaty týraly: «Biz bul eńbegimizde zııatkerlik, rýhanı-áleýmettik ózgerister tóńke¬risin jasaǵan «kindik ýaqyt» ǵulamalarynyń osylaısha qaıta paıymdaý-larynan ótip, keıingi zamanǵa ekshelip, iriktelip, súzgilenip jetken mıfologııanyń tanym¬dyq tolǵamdarynan tildik, tarıhtyq derek¬teri arqyly adamzat balasynyń resmı ortaq tarıhyndaǵy túrik halyqtarynyń ǵumyr¬nama¬synyń h.e. keıingi VI ǵasyrdan bastalýynyń durys emestigin, olardyń atamzamannan beri bar, ejelgi kóne halyqtardyń biri ekenin dáleldeýge talaptanyp kórmekpiz», - deıdi.

Bul eńbek sol esten óshken eski zamandarda-aq Delfi hramynyń mańdaıshasyna aıshyqtap jazylǵan «Ózińdi tany» qaǵıdasynyń mánin túsindirýden bastalyp, budan myńdaǵan jyldar buryn jazylǵan, álemniń túkpir-túkpirinen tabylǵan tarıhı mátinderdi qazaqsha sóıletýmen aıaqtalady.