Qoımalarda 13 kúnge jetetin dızel qory bar - mınıstrlik

NUR-SULTAN. QazAqparat – QR Energetıka mınıstri Bolat Aqsholaqov elde dızeldiń qansha qory baryn málim etti, dep habarlaıdy QazAqparat tilshisi.

«Elde janarmaı qory jetkilikti bolǵanyna qaramastan, keıbir óńirlerde dızel jetpeı jatyr. Ásirese janarmaı stansalarynda baıqalyp otyr. Qysqasha aıtsaq, 24 tamyzdaǵy jaǵdaı boıynsha, dızeldiń jıyntyq qory – 212,4 myń tonna. Bul munaı bazalary men óńirlerge jóneltilip jatqan dızeldiń kólemi dep túsinýge bolady. Munsha qor 13 kúnge jetetinin aıtqan edik.

Alaıda, mynany túsindirip aıtqymyz keledi. Janarmaı qoryn kúnmen eseptep aıtqanda, shuǵyl jaǵdaıda tıep, jóneltýge bolatyn kólemdi aıtamyz. Jalpy munaı óńdeýshi zaýyttar shtattyq rejımde jumys istep tur. Dızelde, munaı da kúndelikti óndirilip jatyr. Shildede 380 myń tonnadaı dızel óndirilse, tamyzda 491 myń tonna óndirý josparlanǵan. Sonda tamyzdyń aıaǵyna qaraı 288 myń tonna dızel qory bolady»,- dedi vedomstvo basshysy.

Onyń aıtýyna qaraǵanda, tamyz aıynda dızel tutyný kólemi 514 myń tonnaǵa deıin jetýi múmkin. Al óndiris kólemi 797 myń tonnaǵa jetýi kerek.

Foto:primeminister.kz