Qoıandyda tórt jyldan beri konteınerde turyp kelgen muǵalim baspanaly boldy

QOıANDY. QazAqparat - Búgin Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanuly elorda irgesindegi Qoıandy aýylynyń turǵyny Maıa Tsoponqyzyna úsh bólmeli úıdiń kiltin tabystady, dep habarlaıdy QazAqparat.

Basqarmanyń málimetinshe, tórt jyldan beri 40 tonnalyq temir konteınerde turyp kelgen mektep muǵalimi jańa úıge qonystanǵan. Basqarmaǵa qarasty «Zeket» qorynyń «El úlesi – páterge» jobasy aıasynda Nur-Sultan ókildiginiń uıytqy bolýymen 279-shy baspananyń kilti Maıa Tsoponqyzyna tól merekesinde jasalǵan teńdessiz syılyq boldy.

Osydan tórt jyl buryn jubaıy Ásker Kalemhanuly basynan jaraqat alyp, eńbekke jaramsyz bolyp qalǵaly otbasy temir konteınerdi panalap kelgen bolatyn. Syrqat kúıeýi men eki balasyn asyraý ońaıǵa soqpasa da, Qoıandy mektebindegi ustazdyq qyzmetinen qol úzbegen.

Qıyndyqpen jalǵyz alysqan qaısar janǵa qurmet retinde Ustazdar kúnine oraılastyrylyp, Kalemhanovtar otbasyna tosynsyı jasaldy

Igilikti sharaǵa belgili telejúrgizýshi, senator Dana Nurjigit arnaıy qatysyp, mektep muǵaliminiń qýanyshymen bólisip qaıtty.

Jańa baspanada jaıylǵan dastarhan basynda izgi tilekter aıtylyp, qazaqy dástúrge saı jańa shańyraqqa qajetti syılyqtar tartý etildi.

Igi sharaǵa demeýshilik tanytyp, sútteı uıyǵan bir otbasynyń baqytty bolýyna septigin tıgizgen Erlik Haıdaruly bastaǵan el aǵalary da qýanyshtyń basynan tabylyp, izgi tilekterin bildirdi.