Qoıandy aýylynda 80 myń tekshe metr erigen qar sýy soryldy
08:47, 27 Naýryz 2024
<p>KÓKShETAÝ. KAZINFORM – Aqmola oblysynyń Qoıandy aýylynda sý sorý jumystary jalǵasýda, qazirgi kezde jaǵdaı qalypty.</p>
Aqmola oblysy TJD baspasóz qyzmetiniń málimetinshe, sý tasqynyna qarsy jumystarǵa Aqmola oblysy men Astana qalasy TJD jáne jergilikti atqarýshy organdardyń kúshteri men tehnıkasy tartylǵan.
«27 naýryz saǵat 06:00 jaǵdaı boıynsha Qoıandy aýylynda 80 myń tekshe metr erigen qar sýy soryldy. Buǵan Aqmola oblysy men Astana qalasy TJD jáne jergilikti atqarýshy organdardan 76 adam, 17 tehnıkasy jáne 18 motopompa tartyldy. Qazirgi kezde jaǵdaı qalypty»- dedi Aqmola oblysy TJD bastyǵy Qanat Dospaev.
Aıta ketsek, budan buryn Qoıandy aýylynyń turǵyndary sý tasqynyna baılanysty tótenshe jaǵdaı jarııalaýdy talap etip, joldy jaýyp tastaǵan edi.