Qoı fermasyn qurýǵa da 2,5 paıyzdyq nesıe berilýi múmkin

<p>ASTANA. KAZINFORM &ndash; Aýyl sharýashylyǵy mınıstrligi salalyq jobalarǵa kredıt berýdiń basym baǵyttaryna qoı fermalaryn da qospaqshy.</p>

Kópshilik talqylaýyna shyǵarylǵan buıryq jobasynda agroónerkásip jobalaryna kredıt berýdiń qosymsha 8 basym baǵyty kórsetilgen. Onyń ishine buǵan deıin bolmaǵan qoı fermasyn qurý baǵyty da kirip otyr. Qujatqa súıensek, Soltústik Qazaqstan oblysynyń tájirıbesin respýblıkaǵa taratý baǵdarlamasynyń aıasynda beriletin 2,5 paıyzdyq nesıe myna baǵyttardy qamtıdy:

- taýarlyq sút fermalaryn qurý (qýaty 400 bastan bastap);

- etti baǵyttaǵy qus fabrıkalaryn qurý (jylyna 5000 tonna qus etinen bastap);

- etti baǵyttaǵy mal sharýashylyǵy kásiporyndaryn qurý (5000 bastan bastap);

- kókónis saqtaý qoımalaryn qurý(1000 tonnadan bastap);

- jemis saqtaý qoımalaryn qurý (1000 tonnadan bastap);

- ónerkásiptik jylyjaı sharýashylyǵyn qurý;

- aýyl sharýashylyǵy ónimderin, onyń ishinde jún men terini tereń óńdeý kásiporyndaryn qurý;

- qýattylyǵy jylyna 25 tonnadan asatyn taýarlyq balyq jáne basqa da sý janýarlaryn ósiretin balyq ósirý sharýashylyqtaryn qurý;

- óndiristik qýattylyǵy táýligine 1 tonnadan bastalatyn balyqty arshyp, tazalaıtyn, odan ári tereńdete óńdeıtin jáne saqtaıtyn balyq óńdeý kásiporyndaryn qurý.

- AÓK salasyndaǵy jobalar boıynsha býyp-túıý materıaldaryn óndirý kásiporyndaryn qurý;

- qus sharýashylyǵyndaǵy asyl tuqymdyq reprodýktorlardy qurý;

- qazirgi zamanǵy sý únemdeý tehnologııalaryn (shashyratyp, tamshylatyp sýarý) paıdalana otyryp, sýarmaly eginshilikti qurý (kartop pen kókónister, azyq óndirisi)

- qoı fermalaryn qurý (5000 bastan bastap).