– ICF halyqaralyq koýchıng federatsııasymen (ICF Kazakhstan, Qazaqstanda kommertsııalyq emes uıym retinde tirkelgen) birge «Koýchıng qyzmeti (koých)» kásibı standarty ázirlendi. Qazirgi tańda ol Ǵylym jáne joǵary bilim mınıstrliginde bekitilý satysynda, - dep jazylǵan Úkimet basshysynyń jaýabynda.
Aıtýynsha, kásiptik standart 9 baǵytty qamtıdy: bıznes-koých, mansaptyq koých, laıf-koých, komandalyq koých, kóshbasshylyq koých, densaýlyq jáne saýyqtyrý koýchi, kásipkerlerge arnalǵan koých, bilim berý koýchi, sporttyq daıyndyq koýchi.
– Kásiptik standarttyń negizinde Ulttyq biliktilik júıesiniń tsıfrlyq platformasynda (career.enbek.kz) sertıfıkattalǵan koých-jattyqtyrýshylar tizilimi jasaqtalady. Koýchtardy oqytýdy, sertıfıkattaýdy jáne tizilimge engizýdi ICF halyqaralyq koýchıng federatsııasy júrgizedi, - deıdi Oljas Bektenov.
Sondaı-aq jaýapta zańnama koýchtardyń jaýapkershiligin kúsheıtetin normalar engiziletini de aıtylǵan.
– «Tutynýshylardyń quqyqtaryn qorǵaý týraly» Zańǵa túzetýler ázirlendi (Májiliste birinshi oqylymnan ótti). Onda koýchtardyń óziniń kásibı biliktiligin taný týraly sertıfıkatqa ıe bolýyn, ony tutynýshyǵa tanystyrýdy mindetteıtin, sondaı-aq tutynýshyǵa ózi kórsetetin qyzmetke qatysty jańylystyratyn aqparatty, sondaı-aq jalǵan jarnamany taratýǵa tyıym salatyn normalar engizildi. Eger tutynýshylardyń quqyqtaryn buzý jappaı sıpatta bolsa nemese úlken zalal keltirilse, mundaı faktiler Qylmystyq kodeksiniń 190-babyna (alaıaqtyq) sáıkes jikteledi, - delingen jaýapta.
Eske salsaq, senator Amangeldi Esbaı Úkimetten koýchtardyń qyzmetin zańmen retteýdi suraǵan bolatyn.