Qosymsha munaı jetkizý joldary pysyqtalyp jatyr - Bolat Aqsholaqov

NUR-SULTAN. QazAqparat – Qazaqstan qosymsha munaı jetkizý joldaryn pysyqtap jatyr. Bul týraly Energetıka mınıstri Bolat Aqsholaqov aıtty, dep habarlaıdy QazAqparat tilshisi.

Búgin Májiliste tilshiler mınıstrden Kaspıı qubyr konsortsıýmy boıynsha jóndeý jumystary ýaqytyly aıaqtalmasa Energetıka mınıstrligi qandaı jumystardy atqaratynyn surady.

«Qosymsha munaı jetkizý joldaryn anyqtap jatyrmyz. 16,5 mln tonnaǵa jetkilikti joldar bar. Al Kaspıı qubyr konsortsıýmynyń ózi tolyq jabylatyn bolsa, 54 mln tonnany ornalastyrý qıyn másele ekeni túsinikti. Osy kólemdi ornalastyrýǵa biraz ýaqyt kerek. Degenmen onyń ishinde 16,5 mln tonnany balama baǵyttar arqyly jibere alamyz. Temirjolmen, Aqtaý porty arqyly jáne «Atyraý-Samara» qubyry, sondaı-aq Qytaı baǵytyna da ótkize alamyz», - dedi B. Aqsholaqov.

Aıta keteıik, Energetıka mınıstri Kaspıı qubyr konsortsıýmy boıynsha jóndeý jumystary ázirge bastalmaǵanyn aıtty.

Eske salsaq, naýryz aıynyń sońynda Qara teńizdegi daýyldyń saldarynan Kaspıı qubyr konsortsıýmynyń qubyr júıesine zaqym keldi.

Bul Qazaqstannyń munaı óndirý kólemi qysqarýyna alyp kelýi múmkin ekeni aıtyldy. Keıin QR Energetıka mınıstri Bolat Aqsholaqov Kaspıı qubyr konsortsıýmyndaǵy jaǵdaıdy baıandady.