Kostenko shahtasynyń 27 kenshisi áli aýrýhanada jatyr

<p>ASTANA. KAZINFORM - Qaraǵandy oblysynyń ákimi Ermaǵanbet Bólekpaev Úkimet otyrysynda Premer-Mınıstr Álıhan Smaıylovqa Kostenko shahtasyndaǵy apattan aman shyqqan kenshilerdiń densaýlyǵy týraly málimet berdi.&nbsp;</p>

«Kostenko shahtasyndaǵy jaǵdaı boıynsha oblystyq jedel shtab jumys atqaryp jatyr. Búgin tańerteń medıtsınalyq mekemelerde 27 adam jatyr. Bireýiniń jaǵdaıy aýyrǵa jaqyn, 24-i ortasha jáne ekeýi birqalypty. Barlyq patsıentter qajetti medıtsınalyq kómek alyp, ońaltýdan ótip jatyr. Qaza tapqan árbir kenshiniń otbasyna memorgandardyń basshylary men depýtattar bekitildi», - dedi oblys ákimi.

Sondaı-aq, oblys basshysy qaza tapqan kenshiler otbasylarynyń áleýmettik porterti jasalǵanyn atap ótti.

«Kópbalaly otbasylar, sondaı-aq, jalǵyz asyraýshysy jáne kámeletke tolmaǵan balasy bar otbasylar anyqtaldy. Qazaq tapqandardyń ıpoteka jáne basqa da nesıeleri men turǵyn úı jaǵdaıy týraly aqparat jınaldy. Qaza tapqandardyń otbasyna memleket tarapynan materıaldyq kómektiń barlyq túri túsindirilip jatyr. «ArselorMıttal Temirtaý» jerleý shyǵynyn uıymdastyrý jáne tóleý boıynsha mindettemesin oryndap jatyr. Kompanııanyń qalǵan mindettemeleri kezeń-kezeńimen oryndalady. Ony oblys ákimdigi baqylaýda ustaıdy. Zardap shekkender jáne olardyń otbasyna qajetti kómek dereý kórsetilip jatyr», - deıdi Ermaǵanbet Bólekpaev.